Лінкі ўнівэрсальнага доступу

Нямецкі друк: “Лукашэнка ніколі ня выдасьць кіргіскага госьця”



Паводле нямецкага выданьня Tagesspiegel, палітычны канфлікт ў Кіргізстане набывае міжнародныя рысы. Беларускі прэзыдэнт Лукашэнка, які даў прытулак Бакіеву ў Менску, прыгразіў Маскве санкцыямі супраць расейскіх вайсковых базаў на тэрыторыі Беларусі ў выпадку, калі Крэмль будзе дамагацца выдачы апальнага эканамічнымі мэтадамі.

«Той факт, што Масква і пальцам не пашавяліла дзеля выратаваньня Бакіева, лідэры Ўзбэкістану і Таджыкістану расцанілі як перасьцярогу і пасьпяшаліся засьведчыць сваю ляяльнасьць Крамлю», піша Tagesspiegel.

Асьвятляючы цяперашнюю сытуацыю ў Кіргізстане, іншае нямецкае выданьне Süddeutsche Zeitung, называе яе неспакойнай. «Зрынуты нядаўна прэзыдэнт Бакіеў, якія зьбег у Менск, пагражае адклікаць сваю адстаўку. Новы ўрад ў Бішкеку таксама становіцца ў пазыцыю пагрозаў. Ён патрабуе выдаць Бакіева, які мусіць адказваць перад судом па абвінавачваньні ў забойстве. Пры гэты кіргізскія ўлады добра разумеюць, што беларускі дыктатар Лукашэнка ніколі ня выдасьць свайго госьця», зазначае Süddeutsche Zeitung.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG