Сэнат ЗША пачынае абмеркаваньне ўрадавага законапраекту аб рэформе банкаўскай сыстэмы краіны. Напярэдадні сэнатары-рэспубліканцы адмовіліся ад далейшых спробаў заблякаваць абмеркаваньне. Яны заявілі, што іх тактыка прымусіла дэмакратаў ўнесьці папраўкі ў законапраект.
Дэмакраты дамагаюцца стварэньня агенцтва па абароне спажыўцоў і фонду ў памеры 50 млрд. даляраў за кошт узносаў банкаў для пакрыцьця выдаткаў на ліквідацыю збанкрутаваных фінансавых кампаній.
Рэспубліканцы выступаюць супраць стварэньня такога фонду і сьцвярджаюць, што законапраект прадугледжвае празьмернае рэгуляваньня дзейнасьці невялікіх кампаній.