Лінкі ўнівэрсальнага доступу

logo-print

У Казахстане апазыцыянэр арыштаваны за чытаньне пэтыцыі на мітынгу


Кіраўнік грамадзкай арганізацыі “Талмас” і ініцыятыўнай групы “Сацыялістычны супраціў-Казахстан” Айнур Курманаў быў затрыманы паліцыянтамі ў Алма-Аце і асуджана на 15 сутак адміністрацыйнага арышту.

Падставай для арышту быў удзел Курманава ў мітынгу каля офісу “Тэмір банку”, пад час якога кліенты разьбілі шкляныя банкі, якія, па іх задуме, сымбалізавалі фінансавую сыстэму Казахстану. Прычынай акцыі была канфіскацыя маёмасьці ў кліентаў, якія ўзялі іпатэку і ня здолелі выплочваць крэды. На судовым працэсе фігураваў відэазапіс мітынгу, на якім Курманаў зачытаў рэзалюцыю з намерам правесьці акцыі пратэсту па ўсёй краіне, калі патрабаваньні кліентаў на будуць выкананыя.

Раней паведамлялася, што прэзыдэнт Казахстану Нурсултан Назарбаеў, выступаючы на адкрыцьці 9-га Эўразійскага мэдыя-форуму, нэгатыўна ацаніў зьмену ўлады ў Бішкеку.

Ацэньваючы сытуацыю ў суседняй краіне Назарбаеў сказаў, што "гэта замена адных элітаў другімі і барацьба за ўладу... Гэта не рэвалюцыя - гэта поўны разбой. Рэвалюцыяй называюць кастрычнік 1917 году, калі капіталізм замяняўся сацыялізмам. Можна сказаць што мы таксама рэвалюцыю праводзілі, таму што, наадварот, ад сацыялізму да капіталізму пераходзілі".
XS
SM
MD
LG