ПАХМУРНА...
...зрэдку дажджыста. Тэмпэратура: +4 — +11 С.
НЕ ПРАХОДЗЬЦЕ МІМА:
У камплексе "Менск-Арэна" а 19.00 канцэрт нямецкага гурту "Scorpions", які пачаў сваю кар’еру ў 1965.
У 19.00 у "КнігарніЎгалерэі" (якая знаходзіцца па адрасе: праспэкт Незалежнасьці, 37А) пройдзе прэзэнтацыя чацьвёртага нумару інтэрнэт-часопісу "ПрайдзіСвет". На ёй выступяць перакладчыкі новага нумару, сябры рэдакцыі, а таксама судзьдзі прэміі часопіса "ПрайдзіСвет", заснаванай сумесна з Беларускім ПЭН-цэнтрам. На прэзэнтацыі будуць таксама агучаныя шорт-лісты па трох намінацыях прэміі: 1) "Проза"; 2) "Паэзія"; і 3) "Публікацыі ў часопісе “ПрайдзіСвет".
ТАМ ДЗЕ НАС НЯМА:
Старшыня Эўракамісіі Жазэ Мануэль Барозу зь візытам у Пэкіне.
У Вашынгтоне праваабарончая арганізацыя Freedom House публікуе штогадовы агляд свабоды слова ў сьвеце "Freedom of the Press 2010".
ТАКСАМА Ў ГЭТЫ ДЗЕНЬ:
У 1770 брытанскі капітан Джэймс Кук як першы эўрапеец высадзіўся ў Аўстраліі, у месцы, якое назвалі Батанічнай затокай і дзе потым узьнік горад Сіднэй.
У 1975 апошнія амэрыканскія вайскоўцы пакінулі Віетнам, эвакуяваныя з Сайгону на самалётах і верталётах.
У 1980 памёр брытанскі і амэрыканскі кінарэжысэр Альфрэд Хічкок, вядомы сваімі фільмамі-трылерамі (нар. 1899).
ЁСЬЦЬ НАГОДА:
Міжнародны дзень танца.
МІНУС 365:
Год таму на сайце Свабоды: "Коля з расейскім букваром увёў Беларусь у Эўропу".
ЦЫТАТЫ НА ПАМЯЦЬ:
"Драма — гэта жыцьцё, зь якога павыразалі нудныя фрагмэнты".
"У мастацкім фільме рэжысэр зьяўляецца Богам, а ў дакумэнтальным — гэта Бог зьяўляецца рэжысэрам".
Альфрэд Хічкок