Лінкі ўнівэрсальнага доступу

Беларусь можа атрымаць яшчэ 2 млн.эўра ў межах “Усходняга партнэрства”


Беларусь разьлічвае атрымаць 2 млн. эўра са сродкаў ініцыятывы Эўразьвязу "Ўсходняе партнэрства" на стварэньне кансультацыйнага цэнтру ў пытаньнях энэргазьберажэньня і аднаўляльных крыніц энэргіі.

Як падае “Интерфакс-Запад”, у паведамленьні Міжнароднага адукацыйнага цэнтру імя. Й. Раў гаворыцца, што "ў сувязі з асаблівым значэньнем гэтых пытаньняў для Беларусі ўдзельнікі Менскага МАЦ імя Й. Раў вырашылі пабудаваць на тэрыторыі цэнтру" майстэрню будучыні "як кансультацыйны цэнтар у пытаньнях энэргазьберажэньня і аднаўляльных крыніц энэргіі".

"Беларускі ўрад падтрымлівае гэты праект і ўключыў яго ў сьпіс прыярытэтных праектаў у рамках энэргетычнай плятформы ініцыятывы Эўрапейскага Зьвязу "Ўсходняе партнэрства". Пастаўленая мэта атрымаць фінансаваньне гэтага праекту ў памеры 2 мільёнаў эўра за кошт ініцыятывы" Ўсходняе партнэрства", адзначаецца ў паведамленьні.

Таксама падкрэсьліваецца, што прэм'ер-міністар фэдэральнай зямлі Брандэнбург Маціяс Платцэк аказвае ў якасьці патрона Менскага МАЦ імя Й. Раў актыўную палітычную падтрымку праекту.
XS
SM
MD
LG