Лінкі ўнівэрсальнага доступу

Вядомыя апазыцыйныя палітыкі вырашылі праігнараваць галасаваньне на мясцовых выбарах.


Экс-кандыдат у прэзыдэнты Аляксандр Казулін заявіў, што ня будзе галасаваць.

«Навошта галасаваць, калі выбараў у краіне няма?» — заявіў ён у інтэрвію БелаПАН.

Ня будуць удзельнічаць у галасаваньні лідэры Беларускай сацыял-дэмакратычнай Грамады Станіслаў Шушкевіч, Аб’яднанай грамадзянскай партыі Анатоль Лябедзька і Беларускай партыі левых «Справядлівы сьвет» Сяргей Калякін.

Анатоль Лябедзька нагадаў, што АГП на зьезьдзе прыняла рашэньне выйсьці з выбарчай кампаніі.

Лідэр Ліберальна-дэмакратычнай партыі Сяргей Гайдукевіч таксама не плянуе галасаваць. Лідэр руху «За Свабоду» Аляксандар Мілінкевіч пакуль ня вызначыўся, бо прапісаны ў вёсцы Бершты, дзе па акрузе балятуецца толькі кандыдат ад улады.

5 красавіка лідэры дэмакратычных партый і рухаў выступілі з сумеснай заявай. У ёй гаворыцца, што «выбараў у Рэспубліцы Беларусь па-ранейшаму няма. І, адпаведна, няма падстаў прызнаць, што сёлетняя выбарчая кампанія адпавядае стандартам свабодных і справядлівых выбараў».

Заяву падпісалі лідэры 12 партый і грамадзкіх аб’яднаньняў.

Паказаць камэнтары

XS
SM
MD
LG