Лінкі ўнівэрсальнага доступу

logo-print

Украінская апазыцыя сабрала подпісы за пазачарговае паседжаньне Рады


Апазыцыя перадала старшыні Вярхоўнай Рады Ўкраіны Ўладзімеру Літвіну 153 подпісы дэпутатаў Украіны з патрабаваньнем правесьці пазачарговае паседжаньне парлямэнту. На ім плянуецца разгледзець два пытаньні. Адно – праект пастановы Вярхоўнай Рады "Аб непрымальнасьці пагадненьня паміж Украінай і Расеяй у пытаньнях знаходжаньня Чарнаморскага флёту Расеі на тэрыторыі Украіны».

Другое – праект пастановы аб расьсьледаваньні магчымага складу злачынства ў дзеяньнях прэзыдэнта Ўкраіны Віктара Януковіча і службовых асоб Кабінэту міністраў Украіны пры заключэньні і падпісаньні пагадненьня паміж Украінай і Расеяй у пытаньні знаходжаньня Чарнаморскага флёту РФ на тэрыторыі Украіны.

Адначасова на сайце Вярхоўнай Рады ў чацьвер зьявіліся паведамленьні, што гэтыя два праекты пастановаў зарэгістраваныя і перададзеныя на разгляд кіраўніцтву.

Вызначаны таксама шэраг камітэтаў, якія павінны разгледзець гэтыя праекты яшчэ да іх вынясеньня на разгляд усёй Вярхоўнай Рады. Самі тэксты праектаў між тым яшчэ не апублікаваныя.
XS
SM
MD
LG