Ператрус праводзіў КДБ паводле крымінальнай справы пра махлярства супраць Алеся Зарэмбюка — каардынатара Руху «За свабоду», у складзе якога і сам Сяргей Трафімчык. Адначасна Трафімчык працуе на шклозаводзе «Нёман».
Супрацоўнікі КДБ забралі кнігу Паўла Севярынца «Лісты зь лесу», жорсткія дыскі ды іншыя рэчы. А шукалі — рэчавых доказаў супраць Зарэмбюка.
Пакуль працягваўся ператрус, тэлефанаваньні да Сяргея Трафімчыка ўвесь час абрываліся. Калі супрацоўнікі КДБ пакінулі Сяргея Трафімчыка, ён нарэшце адказаў і паведаміў наступнае:
«Была санкцыя пракурора на вобшук і выняцьцё матэрыялаў, якія могуць датычыць справы Алеся Зарэмбюка. Пачалося ўсё ў 14:20, закончылася паводле пратаколу ў 18:55, час пайшоў на зачытваньне пратаколу, сам ператрус ішоў тры з паловай гадзіны. Забралі бэйсболку «Рух „За свабоду“ — зь лягатыпам, былі налепкі рэклямныя „Белсату“, ліставаньне зь Севярынцам, рассылку БХД паштовую, бюлетэнь іхні, кнігу Севярынца „Лісты зь лесу“ забралі, з подпісам аўтара, мне падораную кнігу».
Колькі сьледчых праводзілі ператрус і адкуль яны былі?
Трафімчык: «Трое з КДБ, адзін сьледчы-дазнаўца Паршынцаў, капітан, другі — Шэўчык, а трэці — Антонаў, сказалі, што гарадзенскае ўпраўленьне».
Што было ў пратаколе?
Трафімчык: «Тое, што яны вынялі ў мяне па вопісе. Дыскі забралі розныя — зь фільмамі, музычныя, таксама забралі жорсткія дыскі для кампутара. У пастанове пракурора было напісана, што ў сувязі са справай Зарэмбюка абшукаць кватэру такога вось з мэтай знайсьці якія-небудзь доказы».
Ці працягвае Трафімчык сваю выбарчую кампанію?
Трафімчык: «Так, канечне. Але вось замест таго, каб агітацыю праводзіць, мусіў быць са сьледчымі, гэта заняло больш за чатыры гадзіны часу».
Супрацоўнікі КДБ забралі кнігу Паўла Севярынца «Лісты зь лесу», жорсткія дыскі ды іншыя рэчы. А шукалі — рэчавых доказаў супраць Зарэмбюка.
Пакуль працягваўся ператрус, тэлефанаваньні да Сяргея Трафімчыка ўвесь час абрываліся. Калі супрацоўнікі КДБ пакінулі Сяргея Трафімчыка, ён нарэшце адказаў і паведаміў наступнае:
«Была санкцыя пракурора на вобшук і выняцьцё матэрыялаў, якія могуць датычыць справы Алеся Зарэмбюка. Пачалося ўсё ў 14:20, закончылася паводле пратаколу ў 18:55, час пайшоў на зачытваньне пратаколу, сам ператрус ішоў тры з паловай гадзіны. Забралі бэйсболку «Рух „За свабоду“ — зь лягатыпам, былі налепкі рэклямныя „Белсату“, ліставаньне зь Севярынцам, рассылку БХД паштовую, бюлетэнь іхні, кнігу Севярынца „Лісты зь лесу“ забралі, з подпісам аўтара, мне падораную кнігу».
Колькі сьледчых праводзілі ператрус і адкуль яны былі?
Трафімчык: «Трое з КДБ, адзін сьледчы-дазнаўца Паршынцаў, капітан, другі — Шэўчык, а трэці — Антонаў, сказалі, што гарадзенскае ўпраўленьне».
Што было ў пратаколе?
Трафімчык: «Тое, што яны вынялі ў мяне па вопісе. Дыскі забралі розныя — зь фільмамі, музычныя, таксама забралі жорсткія дыскі для кампутара. У пастанове пракурора было напісана, што ў сувязі са справай Зарэмбюка абшукаць кватэру такога вось з мэтай знайсьці якія-небудзь доказы».
Ці працягвае Трафімчык сваю выбарчую кампанію?
Трафімчык: «Так, канечне. Але вось замест таго, каб агітацыю праводзіць, мусіў быць са сьледчымі, гэта заняло больш за чатыры гадзіны часу».
