Лінкі ўнівэрсальнага доступу

logo-print

Кіргіская пракуратура абвяргае зьвесткі аб арышце фінансіста Бакіева


Пракуратура Кіргізстану абвергла інфармацыю аб тым, што ў Алма-Аце быў затрыманы грамадзянін ЗША, экс-гендырэктар MGN Group Яўгеній Гурэвіч. Гурэвіч быў членам праўленьня кіргіскага "Азіяўнівэрсалбанку", які належаў сыну зрынутага прэзыдэнта Кіргізстану Курманбека Бакіева Максіму.


Раней пра арышт Гурэвіча паведаміла кіргіская газэта «Дело №...», спасылаючыся на крыніцы ў кіргіскай пракуратуры.

Паводле прадстаўніка часовага ўраду Кіргізстану Азімбека Бекназарава, Гурэвіч замяшаны ў фінансавых махінацыях у Кіргізстане. Кіргіская пракуратура выдала ордэр на яго арышт.

Тым часам кіргіскае агенцтва навінаў "АКИpress" паведаміла пра канфіскацыю вялікай сумы грошай у рамках крымінальнай справы пра "адмываньне" злачынных даходаў. 6,936,100 даляраў США і 2,490,000 кіргіскіх сомаў знаходзіліся ў дэпазытных ячэйках банку "Манас" на імя блізкіх да Максіма Бакіева людзей Ульяны Пак і Сяргея Кіма. Таксама зь ячэек былі канфіскаваныя пячаткі розных падатковых інспэкцый і раённых адміністрацый.

Паказаць камэнтары

XS
SM
MD
LG