Дзяржаўны сакратар ЗША Хілары Клінтан плянуе ўзяць удзел у міжнароднай канфэрэнцыі ва Аўганістане 20 ліпеня, паведаміў Рычард Холбрук, спэцыяльны прадстаўнік ЗША ва Аўганістане. Паводле яго, канфэрэнцыя ў Кабуле заменіць сустрэчу міністраў замежных справаў, якая першапачаткова плянавалася на канец траўня. Холбрук таксама паведаміў пра маючы адбыцца візыт аўганскага прэзыдэнта Хаміда Карзая 10-14 траўня ў Вашынгтон.