Як паведамляе "Інтэрфакс", прадстаўнік дзяржаўнай казахскай авіякампаніі "Бэркут" у Беларусі адмовіўся ад камэнтароў з нагоды вылету з Казахстану самалёта з былым прэзыдэнтам Кіргізстану на борце і маршруту самалёта.
Раней афіцыйны прадстаўнік МЗС Казахстану Аскар Абдрахманаў заявіў: былы прэзыдэнт Кіргізстану Курманбек Бакіеў пакінуў тэрыторыю Казахстана.
Абдрахманаў не ўдакладніў, калі Бакіеў пакінуў Казахстан і куды ён накіраваўся.
На мінулым тыдні Бакіеў напісаў заяву пра сваю адстаўку з пасады прэзыдэнта Кіргізстану.