Лінкі ўнівэрсальнага доступу

У Менску працягваецца суд над вернікам Янам Міхайлавым


Ян Міхайлаў

Ян Міхайлаў

У судзе Менскага раёну адбыўся чарговае паседжаньне ў справе верніка габрэйска-мэсіянскай суполкі, які з рэлігійных меркаваньняў адмаўляецца служыць у войску.


Судзьдзя дапытаў у якасьці сьведкі кіраўніка вайсковай прызыўной камісіі Менскага раёну спадара Шаблыку. На пытаньне чаму ён не даў магчымасьці Яну служыць у рэзэрве, вайсковец адказаў, што нібыта ўсе спасылаюцца на цяжкае матэрыяльнае становішча, але трэба, каб нехта служыў у войску.

Тое, што Ян дапамагаў сваім бацькам у шматдзетнай сям'і матэрыяльна, спадар Шаблыка палічыў нязначным аргумэнтам.

Працяг суду прызначаны на аўторак, 20 красавіка

Летась 15 сьнежня Яна Міхайлава затрымалі і пакаралі арыштам на 3 месяцы за нібыта ўхіленьне ад вайсковай службы. Хлопец амаль адбыў да канца трохмесячны арышт, як прысуд прызналі незаконным і прызначылі новы суд. 10 сакавіка ён выйшаў на волю.

Ад 10 сакавіка Ян Міхайлаў знаходзіцца пад падпіскай пра нявыезд.
XS
SM
MD
LG