У ДМК адзначылі, што пад выглядам транспартных сродкаў для асабістага карыстаньня часам увозяцца машыны, прызначаныя для прадпрымальніцкай дзейнасьці.
Па зьвестках ведамства, у студзені-сакавіку 2010 года юрыдычныя асобы завезьлі ў Беларусь у 5 разоў менш грузавых транспартных сродкаў і мікрааўтобусаў масай да 5 тон у параўнаньні з аналягічным пэрыядам мінулага года. У той жа час колькасьць такіх транспартных сродкаў, увезеных фізычнымі асобамі, павялічылася ў 2 разы.
Кантраляваць ўвоз транспартных сродкаў фізычнымі асобамі будуць начальнікі мытняў або асобы, іх замяшчаюць.
