У Судане скралі міратворцаў

У суданскай правінцыі Дарфур выкрадзеныя чацьвёра паўднёваафрыканскіх вайскоўцаў са складу міжнароднага міратворчага кантынгенту.

Пра гэта ў сераду паведаміў прадстаўнік камандаваньня міратворцаў.

Паволе яго словаў, два мужчыны і дзьве жанчыны зьніклі ў нядзелю. Іх бачылі, калі яны пакідалі базу міратворцаў. Ёсьць падставы меркаваць, што іх выкрала адна зь мясцовых паўстанцкіх груповак.