«Нашы суседзі, палякі, перажываюць вялікую трагедыю. У авіякатастрофе загінулі лепшыя прадстаўнікі палітычнай, вайсковай, інтэлектуальнай і грамадзкай эліты краіны на чале з прэзыдэнтам Лехам Качынскім. Усе суседзі Польшчы, у тым ліку Расея і Ўкраіна, абвесьцілі нацыянальную жалобу ў сувязі з гэтым.
Па ўсіх нормах чалавечнасьці і добрасуседзтва Беларусь павінна далучыцца да жалобы.
Заклікаю беларусаў добрай волі прадэманстраваць польскаму народу свае спачуваньні і спагаду.
Заклікаю беларускія ўлады аб’явіць дзень агульнанацыянальнай жалобы ў знак салідарнасьці з польскім народам і ўсёй Эўропай».
