Лінкі ўнівэрсальнага доступу

У Кіргізстане – двухдзённая жалоба па ахвярах непарадкаў


У Кіргізстане, пачынаючы зь сёньняшняга дня, аб’яўлена двухдзённая жалоба па ахвярах непарадкаў у Бішкеку і іншых гарадох краіны. У выніку забурэньняў загінулі 75 чалавек, больш як тысяча людзей атрымала раненьні.

Курманбэк Бакіеў заявіў, што не складае зь сябе паўнамоцтваў прэзыдэнта Кіргізстану. Бакіеў пры гэтым выказаў гатовасьць да перамоваў з самаабвешчаным часовым урадам. Палітык знаходзіцца на поўдні Кіргізстану і не зьбіраецца, паводле яго словаў, пакідаць краіну.

Сытуацыя ў Бішкеку тым часам застаецца складанай. У ноч на пятніцу мелі месца новыя выпадкі марадэрства і ўзброеных сутыкненьняў. Натоўп некалькі разоў спрабаваў захапіць будынак гарадзкога ўпраўленьня ўнутраных справаў.

Выканаўца абавязкаў міністра ўнутраных справаў Кіргізстану Балот Шэрніязаў аддаў напярэдадні загад сілам бясьпекі страляць па марадэрах.
XS
SM
MD
LG