У Тайляндзе эвакуавалі міністраў

У сераду тысячы прыхільнікаў былога прэм’ера Таксіна Чынаваты спрабавалі штурмаваць парлямэнт, дзе праходзіла пасяджэньне ўраду. Міністраў на гелікоптэрах эвакуавалі з будынку.

Прыхільнікі Чынаваты патрабуюць адстаўкі цяперашняга кабінэту міністраў і правядзеньня датэрміновых выбараў. На мінулым тыдні яны захапілі тэрыторыю аднаго з буйнейшых у Бангкоку гандлёвых раёнаў, спаралізаваўшы яго працу.

Улады пакуль не ўжываюць сілу да ўдзельнікаў масавых пратэстаў.