Лінкі ўнівэрсальнага доступу

logo-print

Ці стануць апазыцыянэры дэпутатамі?


На пытаньне Радыё Свабода: “Да ўдзелу ў выбарах дапушчаны многія прадстаўнікі апазыцыі. Як Вы лічыце, яны стануць дэпутатамі мясцовых саветаў?” – адказваюць жыхары Магілёва.

Спадар: “Адзін працэнт, бо апазыцыянэраў фактычна нідзе ня бачна. Толькі ведаюць, што ёсьць апазыцыя і ўсё, то бок канкрэтных дзеяньняў няма. Калі няма дзеяньняў няма партыі”.

Спадар: “Хутчэй за ўсё не. Яны ў меншасьці. І іх падаўляюць тыя хто выступае супраць іх. За іх прагаласуе меншасьць”.

Спадар: “Чаму не дапусьцяць. Я думаю, што дапусьцяць. Я думаю, што ўсё залежыць не ад таго, якую пазыцыю займае, а тое, што ён будзе, як кажуць, для народа рабіць. А хто ён, да якой партыі прыналежыць мне падаецца ня дужа істотна”.

Малады спадар: “Як у нас падтрымка апазыцыі не вялікая, таму можа быць да пяці адсоткаў. Мясцовыя органы нашы нічога ж не вырашаюць”.

Спадар: “Працэнтаў трыццаць, бо дэмакратыя ў нас. Лібэралізацыя. Пачынаем як гаворыцца з Захадам супрацоўнічаць. Захад жа таксама глядзіць, каб была там ня толькі адна ўлада, але яшчэ і апазыцыя, будзем так гаварыць”.

Спадар сталага веку:
“У нас выбары хітрыя. Я па мінулых выбарах памятую вылучаўся адзін будаўнік у мясцовыя саветы ў Вярхоўны савет і нікуды ён не прайшоў. Гэта даволі дзіўна, бо бальшыня наколькі я ведаю за яго галасавала. Таму мне цяжка адказаць на вашае пытаньне?

Спадар: “Апазыцыянэраў дапусьцілі да выбараў для таго, каб яны завабілі людзей на выбарчыя ўчасткі. Усе дэпутаты, якія будуць “абраныя”, яны прызначаныя ўладай. Апазыцыянэраў ня будзе ў мясцовых саветах”.

Спадар: “Я іх ня бачыў ніколі, таму нічога не магу сказаць. Мне ўсё адно хто там будзе, калі чэсна. Яны там маладыя ўсе. Во я гляджу ставяць усе 24, 23 гады няхай спачатку вырастуць, жыцьцю павучацца. А потым ужо…”.

Спадар: “Думаю, што не. Я наагул лічу, што іх там не павінна быць. Іх у Беларусі наагул не павінна быць, каб яны тут нешта пераварочвалі, нешта рабілі, то бок ад іх адзін нэгатыў адным словам”.

Юнак: “Не, канечне. Нашая ўлада ня можа дапусьціць апазыцыянэраў да ўлады, нават калі адзін чалавек туды патрапіць яны разумеюць, што ад гэтага ім будзе толькі горш”.

Ваша меркаваньне

Паказаць камэнтары

XS
SM
MD
LG