Лінкі ўнівэрсальнага доступу

У Менскім гарсавеце зьбіраецца засядаць граф


Аляксандар Прушынскі

Аляксандар Прушынскі

Граф Аляксандар Прушынскі – актывіст незарэгістраванай дагэтуль партыі БХД афіцыйна стаў кандыдатам у дэпутаты сталічнага гарсавету па Трактаразаводзкай выбарчай акрузе № 57.


Былы грамадзянін Польшчы цяпер мае беларускае грамадзянства. Старшыня Цэнтарвыбаркаму Лідзія Ярмошына на мінулым тыдні падчас сваёй прэсавай канфэрэнцыі згадала прыклад Аляксандра Прушынскага (на той час яшчэ патэнцыйнага кандыдата ў дэпутаты) як спосаб рэалізацыі ў Беларусі польскага пытаньня.

Аляксандар Прушынскі кажа, што Трактаразавадзкой акрузе шмат інтэрнатаў, а там няма грамадзкіх пральняў. А вось у ЗША, дзе пэўны час пражываў кандыдат у дэпутаты, такія грамадзкія пральні існуюць у кожным пад’ездзе.

“У нас старшыня сталічнага выканкаму, мабыць, чакае каманды ад кіраўніка дзяржавы, а я буду прысьпяшаць ствараць такія пральні”, - сказаў Аляксандар Прушынскі.

Акрамя Аляксандра Прушынскага кандыдатамі ў дэпутаты сталічнага гарсавету зарэгістраваны актывісты БХД Дзяніс Садоўскі, Леанід Скарабагаты ды іншыя. На гэты час вядома, што 10 прэтэндэнтаў на дэпутацкія мандаты ад БХД у Менску ўжо зарэгістраваныя, 6 асобам у рэгістрацыі адмовілі.
XS
SM
MD
LG