Суд прыняў бок экалягічнага ведамства Менгарвыканкаму, якое запатрабавала ад “Новага жыцьця” пакрыць старты, нанесеныя прыродзе.
Чыноўнікі выявілі сьляды нафтапрадуктаў у пробах на праезнай частцы дарогі каля будынку царквы й расцанілі гэта як забруджваньне навакольнага асяродзьдзя.
Юрыст царквы Сяргей Луканін адзначае, што ўлады пачалі эканамічны ціск на прадстаўнікоў царквы.
Раней Луканін заяўляў, што, пры адборы пробаў грунту не прысутнічалі панятыя й прадстаўнікі вернікаў. Тэрыторыя вакол царквы раней выкарыстоўвалася калгасамі імя Калініна для сельгасвытворчасьці, а затым на ёй разьмяшчалася несанкцыянаваная звалка прамысловых адкідаў з каркасамі й рухавікамі былых аўтамабіляў.
Канфлікт паміж уладамі Менску і вернікамі “Новага жыцьця” цягнецца болей за 5 гадоў.
