“У нас ёсьць асобныя сельгаспрадпрыемствы, дзе сярэдні заробак 130 даляраў, у Крычаўскім раёне ёсьць гаспадарка, дзе заробак 104,4 даляра. Што гэта за заробак, улічваючы сёньняшнія камунальныя плацяжы? Мы павінны ад прадпрыемстваў, на якіх атрымліваюць людзі па 200 даляраў, адыходзіць. Такіх прадпрыемстваў у рэгіёне 368. Мы павінны разабрацца з такімі прадпрыемствамі. У нас у сьнежні было каля трохсот такіх прадпрыемстваў. У студзені на 84 іх паменела, а 147 дадаліся. Як толькі разьбярэмся з гэтымі прадпрыемствамі, будзем працаваць з тымі, на якіх заробак 300 даляраў. У нас задача стаіць, каб да сьнежня сярэдні заробак па Магілёўскай вобласьці быў 440 даляраў у эквіваленце. Нам даведзены такі парамэтар”, — цытуюць выказваньне Пятра Рудніка афіцыйныя крыніцы.
Першага лютага Пётар Руднік абяцаў вышэйшы памер заробку на Магілёўшчыне пры канцы году:
“Парамэтры вызначаныя 500 даляраў на канец 2010 году. Маем 330 даляраў пакуль што. Зьвярнуць увагу на тыя прадпрыемствы, якія ў студзені зьнізілі, ня дай бог, заработную плату”.