Як паведамляе агенцтва ELTA, Польшча і Літва дамовіліся аб стварэньні сумеснай інфармацыйнай прасторы, зьвязанай з арганізацыяй юбілею, аб правядзеньні рэклямнай кампаніі, выкарыстоўваючы адзін лягатып. Таксама намячаецца супрацоўніцтва ў справе інсцэнаваньня на гістарычным месцы бітвы.
Літва і Польшча выказалі гатоўнасьць супрацоўнічаць з іншымі партнэрамі, асабліва з Украінай і Беларусьсю. На прэс-канфэрэнцыі быў прадстаўлены сайт, на якім на шасьці мовах, у тым ліку па-беларуску, будзе прадстаўлена ўся інфармацыя аб мерапрыемствах, прысьвечаных юбілею Грунвальдзкай бітвы.
Зухоўскі ўручыў Умбрасасу сымбалічны лягатып Грунвальдзкай бітвы, які зьяўляецца літоўскім варыянтам польскага лягатыпу, у ім слова Grunwald заменена на Žalgiris. Умбрасас падзякаваў Польшчу за шчырае супрацоўніцтва і распавёў аб найважнейшых плянах Літвы з нагоды юбілею Грунвальдзкай бітвы – удзел у інсцэнаваньні бітвы на чале з "Вітаўтам Вялікім". Інсцэнаваньне адбудзецца 14-18 ліпеня на месцы, дзе была гэтая бітва 600 гадоў таму. Літва ўдзельнічае ў інсцэнаваньнях бітвы з 2004 году.
Акрамя таго, на сустрэчы абмеркавалі магчымасьці трансьляцыі інсцэнаваньня і арганізацыі агульнага маршруту для правядзеньня марафону з нагоды 600-гадовага юбілею Грунвальдзкай бітвы.
