Лінкі ўнівэрсальнага доступу

Швайцарыя адкрывае “Duty free” для тых, хто прыбывае ў краіну


Неўзабаве авіяпасажыры зь Беларусі, а таксама шэрагу іншых краін, змогуць карыстацца паслугамі швайцарскіх “Duty free” па прылёце ў аэрапорты Канфэдэрацыі, а ня толькі як дагэтуль пры адлёце з гэтай краіны. Адпаведнае рашэньне ўхваленае ў пятніцу швайцарскім фэдэральным урадам.

Крамы бязмытнага гандлю “Duty free” ёсьць неад’емным атрыбутам усіх міжнародных аэрапортаў. Яны вабяць пасажыраў тым, што тут, у зоне свабоднага гандлю, можна
набыць якасныя тавары - адзеньне, аксэсуары, парфумы, сувэніры, алькаголь, цыгарэты, нават бытавую тэхніку – па коштах да 20-30% ніжэйшых чым у іншых крамах.

Як лічаць швайцарскія ўрадоўцы, магчымасьць набыцьця неабкладных мытам тавараў пры прыбыцьці ў Швайцарыю, павялічыць прывабнасьць мясцовых аэрапортаў сярод пасажыраў. З улікам чаканага зруху ў гэтым гандлі, у “бязмытных” аэрапортных крамах ствараюцца новыя працоўныя месцы. Лічыцца, што гэта надасьць дадатковы імпульс эканоміцы Швайцарыі ва ўмовах крызісу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG