МАРОЗНА...
...але пагодліва. Тэмпэратура: -10 — -2 С.
НЕ ПРАХОДЗЬЦЕ МІМА:
У чатырох кінатэатрах Менску паказваюць "Алісу ў краіне дзівосаў" Ціма Бэртана.
ТАМ, ДЗЕ НАС НЯМА:
Канцлер Нямеччыны Ангела Мэркель зь візытам у Вашынгтоне.
ТАКСАМА Ў ГЭТЫ ДЗЕНЬ:
У 1851 памёр адзін з пачынальнікаў новай беларускай літаратуры Ян Баршчэўскі. Родам ён з гістарычнай Полаччыны, зь цяперашняга Расонскага раёну, а галоўная ягоная кніга называецца "Шляхціц Завальня, або Беларусь у фантастычных апавяданьнях".
У 1922 нарадзіўся амэрыканскі пісьменьнік Джэк Кэруак, вядучы прадстаўнік так званага "пакаленьня бітнікаў" (Beat Generation) у амэрыканскай культуры (пам. 1969).
У 1938 адбыўся аншлюс Аўстрыі Нямеччынай.
У 1940 была падпісаная мірная дамова паміж СССР І Фінляндыяй, якая закончыла савецка-фінскую вайну.
У 1946 нарадзілася амэрыканская акторка і сьпявачка Лайза Мінэлі.
У 1999 Польшча, Чэхія і Вугоршчына як першыя краіны былога сацлягеру сталі сябрамі NATO.
ЁСЬЦЬ НАГОДА:
Дзень пасадкі дрэваў у Кітаі.
Дзень змаганьня з цэнзурай у Інтэрнэце.
МІНУС 365:
Год таму на сайце Свабоды: "Коля – эліксір маладосьці для прэзыдэнта".
ЦЫТАТА НА ПАМЯЦЬ:
"Адзіныя людзі для мяне — гэта шалёныя, якія шалёна жывуць, шалёна гавораць, шалёна шукаюць збавеньня, прагнуць усяго адначасова, ніколі не пазяхаюць і ня кажуць банальнасьці, якія толькі гараць, гараць, гараць як казачныя жоўтыя рымскія сьвечкі і выбухаюць сярод зорак сьвятлістымі павукамі...", — Джэк Кэруак, з раману "На дарозе" (1957).
