Лінкі ўнівэрсальнага доступу

logo-print

Аншляг ва ўкраінскай гімназіі Сімфэропаля


Украінская гімназія Сімфэропаля.

Украінская гімназія Сімфэропаля.

Адзіная ў Крыме цалкам ўкраінамоўная школа ня можа зьмясьціць усіх жадаючых.

Ва ўкраінскай школе-гімназіі Сімфэропаля пачаўся набор будучых першакляснікаў. Працэдура адразу ж вылілася ў аншляг і суправаджалася ажыятажам. Каб трапіць у прыёмную камісію, бацькі запісваліся за некалькі дзён і дзяжурылі ля сьцен гімназіі па начах.

Падобнае здараецца кожны год з часу стварэньня гэтай навучальнай установы ў канцы 90-х гадоў мінулага стагоддзя. Кожны раз адміністрацыя гімназіі вымушаная адмаўляць некаторым дзецям у прыняцьці на вучобу, запісваючы іх толькі ў рэзэрв. Цяпер у першы ж дзень набору 6 сакавіка было прынята 90 будучых першакляснікаў, яшчэ чацьвёра – у рэзервовым сьпісе.

Натальля Рудэнка
Дырэктар Украінскай школы-гімназіі Натальля Рудэнка кажа, што такім чынам у Сімфэропалі праходзіць своеасаблівы рэфэрэндум. Людзі галасуюць «нагамі» за тое, каб іх дзеці вучыліся на ўкраінскай мове ва ўкраінамоўным асяродзьдзі. Сёлета будзе адкрыта не менш за 3 першыя клясы.

Паводле школьнай адміністрацыі, этнічных ўкраінцаў тут меншасць, затое шмат этнічных расейцаў, крымскіх татараў, яўрэяў, асабліва выхадцаў са зьмешаных сем'яў.

Чытаць артыкул цалкам на сайце ўкраінскай службы нашага радыё.
XS
SM
MD
LG