Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.







НАДВОР’Е...


У суботу ясна і халодна, удзень –5... –7, уначы да –15.

У нядзелю спахмурнее, але цяплей ня будзе: -8...-10.

НЕ ПРАХОДЗЬЦЕ МІМА:


6 сакавіка

У выставачным павільёне на праспэкце Пераможцаў, 14 адбудзецца вясновая выстава сабакаў усіх пародаў.

У музэі беларускага народнага мастацтва ў Раўбічах адбудзецца навукова-практычная канфэрэнцыя “Праблемы аховы і інтэрпрэтацыі помнікаў гісторыі і культуры. Узаемадзеяньне грамадзкасьці і дзяржавы”.

7 сакавіка

Кандыдат у кандыдаты на мясцовых выбарах Яўген Ліпковіч ладзіць літаратурна-мастацкую акцыю “Абаронім маладую беларускую дзяржаўнасьць ад экстрэмізму”. Збор на скрыжаваньні вул. Сьветлай і Севастопальскай у 12.00. Удзельнікаў просяць мець з сабой кнігі Мікалая Чаргінца.

У ДК чыгуначнікаў адбудзецца выстава катоў.

У “Менск-Арэне” – канцэрт гурту “Рамштайн”. Пачатак у 19.00.

ТАМ, ДЗЕ НАС НЯМА :


6 сакавіка

У Ісьляндыі – рэфэрэндум на тэму: Ці вяртаць Брытаніі і Нідэрляндам больш за 5 мільярдаў даляраў, страчаных укладнікамі ў выніку краху ісьляндзкіх банкаў.

7 сакавіка

Парлямэнцкія выбары ў Іраку.
Цырымонія прысуджэньня прэміі “Оскар” у Лос-Анджэласе.

ЁСЬЦЬ НАГОДА:


6 сакавіка 1944 году прэзыдэнт Беларускай Цэнтральнай Рады Радаслаў Астроўскі падпісаў загад аб арганізацыі Беларускай Краёвай Абароны.

6 сакавіка 1990 году ў Менску было створанае Згуртаваньне беларусаў сьвету “Бацькаўшчына”, якое арганізацыйна аб’ядноўвае ўсе беларускія асяродкі ва ўсім сьвеце.

6 сакавіка 1937 году ў Асіповічах прыйшоў на сьвет знакаміты беларускі мастак-плякатыст Уладзімер Крукоўскі.

7 сакавіка 1850 году нарадзіўся кіраўнік Чэскай дзяржавы Тамаш Масарык. У 1918 годзе Масарык вярнуўся ў Чэхію зь пяцігадовае эміграцыі ў Францыі і быў абраны прэзыдэнтам краіны. А ўсяго чэхі выбіралі яго на найвышэйшую пасаду ажно чатыры разы.

7 сакавіка ў 1875 годзе прыйшоў на сьвет слынны францускі кампазытар Марыс Равэль, а ў 1872 годзе – ягоны калега Васіль Залатароў.

7 сакавіка 1931 году пакінуў гэты сьвет Павал Дземідовіч, дасьледнік беларускае этнаграфіі і фальклёру.

7 сакавіка 1943 году савецкія партызаны расстралялі ў Менску беларускага нацыянал-сацыялістычнага палітыка Фабіяна Акінчыца.

ТАКСАМА Ў ГЭТЫ ДЗЕНЬ:


6 сакавіка – Дзень незалежнасьці Ганы (1957)

7 сакавіка – Міжнародны дзень дзіцячай тэлевізіі і радыёвяшчаньня
7 сакавіка – У Жодзіне адзначаецца Дзень горада

МІНУС 365: Год таму на сайце Свабоды:


6 сакавіка

Лукашэнка на бізнэс-форуме ў Капаоніку

7 сакавіка

Яна Палякова: “Мяне хочуць дабіць”

ЦЫТАТА НА ПАМЯЦЬ:


Дыктатары заўсёды выглядаюць добра – аж да апошняй хвіліны”, – Т.Г.Масарык.
XS
SM
MD
LG