Лінкі ўнівэрсальнага доступу

Кавалак старога Менску прадалі за 10 мільёнаў даляраў


Будынак 2-й гарадзкой лякарні, былы Базыльянскі кляштар
Будынак 2-й гарадзкой лякарні, былы Базыльянскі кляштар

Аманскі інвэстар набывае кавалак зямлі, каб пабудаваць шматфункцыянальны комплекс. Адпаведны ўказ пад № 93 падпісаў Аляксандар Лукашэнка.




Дзяржаўны генэральны рэзэрвовы фонд Султанату Аман атрымае ва ўласнасьць зямельны ўчастак у цэнтры Менску за $10 млн.





Асноўныя палажэньні ўказу:
  • Новастворанае прыватнае прадпрыемства “Арол Пропэціз чатыры” атрымлівае ў прыватную ўласнасьць надзел зямлі ў межах вуліц Янкі Купалы — Максіма Багдановіча — ракі Сьвіслачы.
  • Надзел перадаецца ва ўласнасьць без правядзеньня аўкцыёну.
  • Да 2016 году на гэтым месцы будзе пабудаваны новы комплекс.
  • Ва ўласнасьць таксама перадаюцца будынкі і збудаваньні на гэтай тэрыторыі. У тым ліку: Нацыянальны выставачны цэнтар “БелЭкспа”, 2-я гарадзкая клінічная бальніца і цеплавая падстанцыя. Вызваленьне гэтых будынкаў і збудаваньняў будзе зроблена за кошт ведамстваў, на балянсе якіх яны знаходзяцца.
  • Забараняецца зносіць будынкі, якія ўключаныя ў Дзяржаўны сьпіс гісторыка-культурных каштоўнасьцяў: манастырскі корпус, дом інвалідаў, багадзельня. Таксама трэба захаваць Алею Дружбы.
  • На пэрыяд будаўніцтва заказчык вызваляецца ад выплаты мыта і падатку на дададзеную вартасьць на абсталяваньне, будматэрыялы і іншыя тавары для будаўніцтва, якія ўвозяцца ў Беларусь.


А. Астаповіч: ёсьць вельмі вялікі страх


Старшыня Беларускага добраахвотнага таварыства аховы помнікаў гісторыі і культуры Антон Астаповіч падзею пракамэнтаваў гэтак:

“На гэтай тэрыторыі гісторыка-культурная каштоўнасьць: 2-і клінічны шпіталь — некалькі карпусоў былога базыльянскага кляштара. Я ня веру, што Міністэрства культуры і Менгарвыканкам “прынізяць” паверхі новабудоўляў, каб не была закрытая панарама Верхняга гораду. Таксама невядома, што будзе з будынкамі Траецкага кляштара. Ну, маюць яны статус гісторыка-культурнай каштоўнасьці, але ў нас цэлы шэраг прыкладаў па Менску, калі інвэстары зносяць гісторыка-культурныя каштоўнасьці і ніякай адказнасьці не нясуць. Таму ёсьць вельмі вялікі страх”.


Чытаць па тэме:


Ці вытрымае Менск "аманскі" пэрыяд?
Як аманскія матывы ўпішуцца ў Менск эўрапейскі?
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG