Лінкі ўнівэрсальнага доступу

logo-print

Сяргей Гудзілін


нарадзіўся 11.06.1987 г. у Жодзіне. Фатограф-фрылансэр. Стаж працы 4 гады. Спэцыялізацыя: рэпартаж, спартыўнае фота. Не жанаты, але заручаны... Цяпер выконваю канстытуцыйны доўг і служу ва Ўзброеных Сілах Рэспублікі Беларусь. Але застаюся блогерам — тэхналёгіі і афіцэры дазваляюць (ці не забараняюць) гэта рабіць. У ЖЖ я hudzilin — гэта ангельская трансьлітарацыя майго прозьвішча, што азначае супадзеньне маіх «я-віртуальнага» і «я-рэальнага»... Увогуле, нікі, якія не адлюстроўваюць сапраўдных імёнаў, мне ня вельмі падабаюцца.

1. Навошта я пішу блог

Каб рэпрэзэнтаваць прафэсійную і прыватную сфэры свайго жыцьця. Што да здымкаў — дык паказваю іх, каб пачуць меркаваньне іншых. Тэксты — гэта мае прыватнасьці, эмоцыі і перажываньні... Раней такую функцыю выконваў папяровы дзёньнік, цяпер — электронны. Можа, пасьля аддам яго ў спадчыну сваім дзецям :)

2. Што я больш за ўсё люблю ў блогах

Шчырасьць. Дакладнасьць. Эмацыйнасьць. Актуальнасьць. Апэратыўнасьць. Актыўнасьць. Крытычнасьць. Ляканічнасьць.

3. Што я больш за ўсё не люблю ў блогах

Ананімнасьць. Даўгія пасты. Няшчырасьць. Неканкрэтнасьць. Адсутнасьць гіпэрспасылкі на фота ці тэкст.

4. Пяць блогаў, якія я раю наведаць.


Даруйце, але тут толькі беларускія фатографы:

liankevich.livejournal.com — блог фатографа Андрэя Лянкевіча — рэпартажы і мастацкае фота

prosto_free.livejournal.com — падзеі Гарадзеншчыны ў аб’ектыве Леаніда Шчаглова

strenger.livejournal.com — беларускі экстрым і гламур ад Паўла Паташнікава

vasukovich.livejournal.com — блог фотарэпартэра Аляксандра Васюковіча

n_ablozhei.livejournal.com — блог фотарэпартэра Натальлі Аблажэй
XS
SM
MD
LG