ПАСЬНЯЖЫЦЬ...
...і пакрапае: Тэмпература: каля 0 С.
НЕ ПРАХОДЗЬЦЕ МІМА:
У Мінск прыяжджае дэлегацыя Эўрапарлямэнту з трохдзённым візытам.
На базе Рэспубліканскага горналыжнага цэнтру "Сілічы" праходзіць сэмінар Парлямэнцкага Сходу Саюза Беларусі і Расеі на тэму "Гідрамэтэаралягічная бясьпека Саюзнай дзяржавы ва ўмовах зьмены клімату".
ТАМ, ДЗЕ НАС НЯМА:
У Кіеве інаўгурацыя прэзыдэнта Ўкраіны Віктара Януковіча.
ТАКСАМА Ў ГЭТЫ ДЗЕНЬ:
У 1906 у Менску на браме гарадзкой турмы быў павешаны Іван Пуліхаў. Два тыдні перад тым студэнт Пуліхаў кінуў бомбу ў губэрнатара Курлова, і хоць бомба ня выбухнула, тэрарыст быў пакараны сьмерцю. Сёньня імя Пуліхава носіць адна зь менскіх вуліц.
У 1943 нарадзіўся Джордж Гарысан, музыка легендарнага брытанскага гурту "Бітлз" (пам. 2001).
У 1956 на закрытым пасяджэньні ХХ зьезду Камуністычнай партыі СССР Мікіта Хрушчоў выступіў з дакладам аб кульце асобы Іосіфа Сталіна.
МІНУС 365:
Год таму на сайце Свабоды: "А.Латышонак: "Палякі могуць спрыяць беларусам, але спачуваць ня будуць".
ЦЫТАТА НА ПАМЯЦЬ:
"Мы вам пакажам кузькіну маць!", — Мікіта Хрушчоў віцэ-прэзыдэнту ЗША Рычарду Ніксану ў 1959.