Лінкі ўнівэрсальнага доступу

Мэнэджэр Toronto Maple Leafs назваў Грабоўскага «здаровым» і «дурным»


Міхаіл Грабоўскі

Міхаіл Грабоўскі

Гэтыя словы генэральнага мэнэджэра вядомага хакейнага клюбу Браяна Бёрка цытуюць сёньня шмат якія канадзкія выданьні.

Паводле Бёрка, расьсьледаваньне вулічнай сваркі, да якой меў дачыненьне форвард беларускай нацыянальнай зборнай і каманды Toronto Maple Leafs, з-за Алімпіяды можа зацягнуцца на некалькі тыдняў. 26-гадовы хакеіст быў затрыманы ванкувэрскай паліцыяй уначы 20 лютага. Ён правёў пад арыштам некалькі гадзінаў, аднак раніцай быў вызвалены з пастарунку, калі па яго прыйшлі бацькі.

«Мы далі паліцыі зразумець, што Грабоўскі зьявіцца ў паліцыі зноў, у выпадку, калі ён туды мусіць зьявіцца. На дадзены момант ніякіх абвінавачаньняў супраць яго ня выстаўлена», — сказаў Браян Бёрк.

Мэнэджэр хакейнага клюбу таксама паведаміў, што хакеіст, які быў траўмаваны 2 студзеня (і мусіў таму адмовіцца ад выступу на Алімпіядзе ў складзе беларускай зборнай), ужо ў сераду вяртаецца да трэніровак у Toronto Maple Leafs.

«Наколькі я ведаю, ён здаровы, — сказаў Бёрк. — Дурны, але здаровы».

Паказаць камэнтары

XS
SM
MD
LG