АДЛІГА...
...і дождж са сьнегам. Тэмпэратура: каля 0 С.
НЕ ПРАХОДЗЬЦЕ МІМА:
У Беларускай дзяржаўнай акадэміі мастацтваў праходзіць выстава сучаснай дзіцячай кніжнай ілюстрацыі зь Беларусі, Нямеччыны, Ізраіля і Польшчы.
ТАМ, ДЗЕ НАС НЯМА:
У Бялградзе адкрываецца міжнародны кінафэстываль, які патрывае да 28 лютага.
У Вашынгтоне Фундацыя Рональда Рэйгана прызнае прэмію Ronald Reagan Freedom Award. Ляўрэатамі гэтай прэміі былі, між іншым, Міхаіл Гарбачоў, Маргарэт Тэтчэр, Джордж Буш.
ТАКСАМА Ў ГЭТЫ ДЗЕНЬ:
У 1473 нарадзіўся Мікалай Капэрнік, які стварыў тэорыю геліяцэнтрычнай мадэлі сьвету – гэта значыць, што зямля круціцца вакол сонца, а не наадварот, як думалі дагэтуль.
У 1878 Томас Алва Эдысан атрымаў патэнт на прыстасаваньне для мэханічнага запісу гуку, якое ён назваў фанаграфам. Гэтае вынаходзтва паклала пачатак эры аўдыёзапісу.
У 1908 нарадзіўся беларускі паэт Станіслаў Шушкевіч. Ён найлепей вядомы як аўтар вершаў для дзяцей. А яшчэ вядомы сваім сынам – Станіславам Шушкевічам, кіраўніком Беларусі, за якім краіна набыла незалежнасьць.
У 1952 памёр нарвэскі пісьменьнік Кнут Гамсун, ляўрэат Нобелеўскай прэміі за 1920 год.
МІНУС 365:
Год таму на сайце Свабоды: "Жыцьцё і сьмерць мітаў: Тарашкевіца".
ЦЫТАТА НА ПАМЯЦЬ:
"Па чым пазнаць камуніста? Ну, гэта той, хто чытае Маркса і Леніна. А па чым пазнаць антыкамуніста? Гэта той, хто разумее Маркса і Леніна" — Рональд Рэйган.