12 лютага на судовае паседжаньне не прыйшлі Юры Пракопаў і Георгі Зьмітрук. Іх інтарэсы прадстаўлялі юрысты. Прадстаўнік Георгія Зьмітрука Раман Зьмітрук пацьвердзіў патрабаваньні, а юрысты БТ не прызналі пазову. Судзьдзя паведаміла, што а 14-й гадзіне абвесьціць рашэньне ў справе.
Сустаршыня аргкамітэту для стварэньня БХД Георгі Зьмітрук патрабаваў абвяржэньня зьвестак, распаўсюджаных у праграме «Панарама тыдня» ад 13 сьнежня 2009 году, а таксама кампэнсацыі маральнай шкоды.
У рэпартажы Юры Пракопаў скарыстаў нібыта інфармацыю з інтэрнэту, спаслаўшыся на ананімныя крыніцы. Паводле гэтых крыніцаў, Зьмітрук нібыта карыстаўся паслугамі прастытутак і своечасова не расплачваўся зь імі.
Георгі Зьмітрук сьвердзіў, што БТ зрабіла сюжэт, каб кампрамэтаваць сяброў аргкамітэту БХД.
