Лінкі ўнівэрсальнага доступу

logo-print

Горадня: адбылася акцыя салідарнасьці з івянецкімі палякамі


Прамаўляе старшыня Галоўнай рады Саюзу палякаў Андрэй Пачобут, Анжаліка Борыс, капэлян Саюзу палякаў ксёндз Аляксандар Шэмет

Прамаўляе старшыня Галоўнай рады Саюзу палякаў Андрэй Пачобут, Анжаліка Борыс, капэлян Саюзу палякаў ксёндз Аляксандар Шэмет

Ля Дому польскага ў Горадні сабраліся прыкладна 200 чалавек. Яны трымалі у руках польскія сьцяжкі, сьпявалі песьні. Міліцыянты здымалі на відэа, ня ўмешваліся, а толькі назіралі. Супрацоўнікі МУС папярэдзілі, што акцыя незаконная. Акцыя працягвалася паўгадзіны.


15.25
Акцыя скончылася. У ёй удзельнічала прыкладна 200 чалавек. Міліцыянты ня ўмешваліся, а толькі назіралі.

15.20
Капэлян СПБ ксёндз Аляксандар Шэмет прачытаў малітву

Анжаліка Борыс прапанавала паставіць зьнічы ў памяць пра ахвяраў сталінскага тэрору.

Запаленыя зьнічы да шыльды, прысьвечанай палякам, што загінулі ў час сталінскіх рэпрэсій.


Борыс заклікала ўсіх, хто мае магчымасьць у наступны панядзелак 15 лютага прыехаць у Івянец (Менская вобласьць), каб падтрымаць у судзе Тэрэзу Собаль.

Андрэй Пачобут прапанаваў завершыць акцыю.

Прысутныя сьпяваюць гімн неафіцыйнага Саюзу Палякаў.

Удзельнікі сьпяваюць патрыятычныя песьні

15.10 Выступае кіраўнічка незарэгістраванага Саюзу палякаў Анджаліка Борыс. Яна кажа, што сабрана 5 тысячаў подпісаў пад патрабаваньнем да Аляксандра Лукашэнкі легалізаваць арганізацыю. Гэты ліст, кажа Борыс, застаўся без адказу.

“Палякі павінныя змагацца за сваё права на нармалёвае існаваньне, якое гарантаванае Канстытуцыяй Беларусі”, - кажа Борыс.


Акцыя адбываецца на рагу вуліцаў Дзяржынскага і 17 верасьня ля помніка Адаму Міцкевічу.

На сьцяне Дома польскага прымацаваная памятная шыльда.

“Сымбалічна, што наша акцыя адбудзецца ў 70-я ўгодкі першай дэпартацыі мясцовага насельніцтва, якую ў 1940 годзе правялі Саветы”, — заявіў напярэдадні старшыня Галоўнай рады не прызнаванага ўладамі Саюзу палякаў Андрэй Пачобут.

Раней міліцыянты папярэдзілі Пачобута, каб той ня ўдзельнічаў у несанкцыянаванай акцыі.

Івянецкая арганізацыя дагэтуль не падпарадкоўваецца праўладнаму Саюзу, якім кіруе Станіслаў Сямашка. Яна па-ранейшаму падтрымлівае апальную Анжаліку Борыс, чый Саюз палякаў дзейнічае ў напаўлегальных умовах.

У Івянцы і польскую арганізацыю, і Дом польскі ўзначальвае адзін чалавек — Тэрэса Собаль.

21 студзеня ў Івянцы Валожынскага раёну адначасова прайшлі два сходы. Адзін правялі прыхільнікі незарэгістраванага СПБ Анжалікі Борыс, другі быў арганізаваны з дапамогай улады.

Лідэр івянецкіх актывістаў Тэрэса Собаль лічыць, што сход праўладнай суполкі СПБ быў сабраны прымусова. Кіраўніком зрабілі дырэктара мясцовага Дома культуры Станіслава Бурачэўскага, які раней не выяўляў такіх амбіцый.

Паказаць камэнтары

XS
SM
MD
LG