НАДВОР’Е...
...ясна, але халодна: да –13
НЕ ПРАХОДЗЬЦЕ МІМА:
Беларуская асацыяцыя журналістаў падвядзе вынікі году з новым законам пра СМІ. Менск, офіс БАЖ, пл.Свабоды, 17-304, пачатак у 13:00
Будуць цалкам сфармаваныя акруговыя выбарчыя камісіі ў Беларусі.
ТАМ, ДЗЕ НАС НЯМА:
У Азіі — Дзень Нірваны, фэстываль, якім будысты адзначаюць дзень сьмерці Буды.
У Кіеве назіральнікі ад АБСЭ ацэньваюць украінскія прэзыдэнцкія выбары.
ТАКСАМА Ў ГЭТЫ ДЗЕНЬ:
У 1929 нарадзіўся беларускі гісторык Леанід Лыч. Родам ён зь вёскі Магільна Ўзьдзенскага раёну, адукацыю атрымаў у Башкірыі, а асноўная тэма працаў спадара Лыча – моўная палітыка.
У 2006 пачаў працу інтэрнэт-праект газэты "Салідарнасьць".
У 2009 у Ваўкавыску спэцпадразьдзяленьнем "Алмаз" былі арыштаваныя прадпрымальнікі Мікалай Аўтуховіч, Юры Лявонаў і Ўладзімер Асіпенка. Аўтуховіч і Асіпенка дагэтуль знаходзяцца за кратамі.
8 лютага ў розныя гады прыйшлі на сьвет францускі пісьменьнік-фантаст Жуль Вэрн, расейскі хімік Дзьмітрый Мендзялееў, які прыдумаў вядомую ўсім табліцу элемэнтаў, беларускі празаік Іван Мележ, які напісаў “Палескую хроніку”, і расейскі артыст Вячаслаў Ціханаў, які сыграў савецкага выведніка Штырліца.
ЁСЬЦЬ НАГОДА:
Масьленіца.
МІНУС 365:
Год таму на сайце "Свабоды": Лукашэнка ўмяшаўся ў справу аб забойстве
ЦЫТАТА НА ПАМЯЦЬ:
"Усё, што адзін чалавек можа ўявіць, іншы — можа ажыцьцявіць". Жуль Вэрн.