Лінкі ўнівэрсальнага доступу

Юшчанка дасьць загад унутраным войскам атачыць ЦВК


Віктар Юшчанка

Віктар Юшчанка

Прэзыдэнт Украіны Віктар Юшчанка мае намер даручыць Унутраным войскам МУС Украіны ахоўваць Цэнтральную выбарчую камісію па зьнешнім пэрымэтры, а Дзяржаўнай службе аховы – узмацніць прапускную сыстэму ў ЦВК.


Паводле УНІАН, пра гэта ён паведаміў 5 лютага на нарадзе па забесьпячэньні законнасьці і правапарадку падчас правядзеньня другога тура выбараў кіраўніка дзяржавы. Па словах Юшчанкі, гэты ўказ быў падрыхтаваны на падставе пасяджэньня Рады нацыянальнай бясьпекі і абароны Ўкраіны. Разам з тым, ён не ўдакладніў, аб якім менавіта пасяджэньне РНБА гаворыцца.

Акрамя таго, Юшчанка даручыць СБУ і Дзяржаўнай службе спэцыяльнай сувязі ўзмацніць абарону дзяржаўных інфармацыйных рэсурсаў, у прыватнасьці, зрабіць немагчымым зьяўленьне так званых транзытных сэрвэраў або скажэньняў паведамленьняў, якія будуць паступаць ад акруговых камісіяў у ЦВК.

"Хачу давесьці да ўсіх: правесьці на законным узроўні выбары – значыць пазьбегнуць вялікага грамадзкага супрацьстаяньня", – сказаў В. Юшчанка.

Як паведаміла прэс-сакратар Прэзыдэнта Ірына Ваньнікава, пасяджэньне РНБА па забесьпячэньні парадку падчас выбараў адбылося днём раней у рэжыме апытаньня членаў рады.
XS
SM
MD
LG