СЛУХАЦЬ:
Новы твор N.R.M – адказ на сёньняшнія рэаліі, у якіх палітыка настолькі шчыльна пераплялася з жыцьцём, што пачала яго паралізоўваць.
“У нас усё – палітыка: літаратура – палітыка, музыка – палітыка, эканоміка – палітыка, журналістыка – яшчэ якая палітыка!”, – кажа Лявон Вольскі, фронтмэн гурту N.R.M
Менавіта гэтая беларуская асаблівасьць падштурхнула гурт вярнуцца жанрава ў вірлівыя 90-я, калі, паводле Лявона Вольскага, песьні кшталту “Палітыкі-паралітыкі” называлі пагардліва “песьнямі-аднадзёнкамі”.
“Тады асабліва папулярна было казаць, што музычны твор ня мусіць замяняць газэтны артыкул, – узгадвае лідэр N.R.M. – Таму я кваліфікую “Палітыку-паралітыку” паводле жанру – “песьня-аднадзёнка”. А колькі дзён (месяцаў, гадоў?) ужо яна будзе актуальная ў спэцыфічнай беларускай рэальнасьці, паглядзім”.
Песьню выклаў у свабодны доступ беларускі партал TUT.BY: “Пампуйце на здароўе і прыходзьце на канцэрт у “Рэактар” 10 лютага!”
Шаноўныя чытачы, шмат цікавага часам адбываецца там, дзе нас няма, але ёсьць таленавітыя калегі-прафэсіяналы ці проста аматары з відэа- ці фатакамэрай. Пад новай рубрыкай будуць зьяўляцца матэрыялы зь іншых СМІ і блогасфэры, якія, на нашу думку, могуць быць цікавыя вам. Прысылайце прапановы – што варта апублікаваць на сайце svaboda.org – cвабода не бывае чужой!
