Лінкі ўнівэрсальнага доступу

Газэта магілёўскага гарвыканкаму “Веснік Магілёва” назвала сваю дату правядзеньня выбараў у мясцовыя саветы. Паводле выданьня, яны адбудуцца 16 сакавіка. Гэтая дата зьмешчаная на чацьвёртай старонцы газэты ў рубрыцы “Афіцыйна” з апісаньнем выбарчых акругаў Магілёўшчыны.

Намесьнік старшыні грамадзкага аб’яднаньня “Грамадзянскі форум” Юры Стукалаў запатрабаваў ад дзяржаўнага выданьня тэрмінова абвергнуць несапраўдную дату правядзеньня выбараў у мясцовыя саветы. Адпаведную заяву ён ужо адправіў у рэдакцыю заказным лістом.

“Яны ня толькі ўвялі ў зман мяне як грамадзкага актывіста, які зьбіраецца балятавацца ў гарсавет, але й чытацкую аўдыторыю газэты. Гэта недапушчальна, каб афіцыйнае выданьне рабіла такія памылкі — зьмяшчала несапраўдныя факты. Я настойваю, каб рэдакцыя газэты выбачылася перад сваімі чытачамі”.

Калі абвяржэньня ня будзе, Юры Стукалаў пагражае зьвярнуцца ў суд.

Выбары ў мясцовыя саветы адбудуцца 25 красавіка.
XS
SM
MD
LG