Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.




МАРОЗ...


...усё мацнее. Тэмпэратура: -25 — -21 С.

ТАМ, ДЗЕ НАС НЯМА:


У Давасе ў Швэйцарыі пачынаецца сусьветны эканамічны форум, які патрывае да канца месяца.

Румынскі прэзыдэнт Траян Башэску наведвае Малдову.

У Вашынгтоне прэзыдэнт ЗША Барак Абама выступае ў Кангрэсе са штогадовым зваротам "Аб становішчы краіны".

У Сан-Францыска канцэрн "Apple" прэзэнтуе нешта пад назвай iPad, што, паводле чутак, мае зрабіць рэвалюцыю ў сьвеце кампутэраў.

ТАКСАМА Ў ГЭТЫ ДЗЕНЬ:


У 1756 нарадзіўся адзін з найбольш улюбёных кампазытараў сьвету, Вольфганг Моцарт.

У 1832 нарадзіўся ангельскі пісьменьнік Льюіс Кэрал, аўтар славутых раманаў пра Алісу/Алесю: "Alice in Wonderland" і "Through the Looking-glass". Першы з раманаў на беларускую мову пераклаў Максім Шчур, а ў гэтым годзе маюць выйсьці два розныя беларускія пераклады другога — аўтарства Максіма Шчура і Веры Бурлак.

У 1836 нарадзіўся Леапольд фон Захэр-Мазох, ад прозьвішча якога пайшоў тэрмін "мазахізм".

У 1901 памёр славуты італьянскі кампазытар опэраў Джузэпэ Вэрдзі.

У 1913 адбылася першая пастаноўка камэдыі Янкі Купалы “Паўлінка”. У Вільні сіламі Беларускага музычна-драматычнага гуртка паставіў п’есу Алесь Бурбіс.

У 1940 годзе памёр вядомы савецкі пісьменьнік Ісак Бабель.

У 1945 савецкія вайскі вызвалілі нацысцкі канцлягер Асьвенцім.

МІНУС 365:


Год таму на сайце Свабоды: "Галівудзкае беларускае кіно".

ЦЫТАТЫ НА ПАМЯЦЬ:


"Пачынай спачатку і ідзі, пакуль ня дойдзеш да канца; тады спыніся", — Льюіс Кэрал.
XS
SM
MD
LG