"Некаторыя наркалягічныя аддзяленьні ў Менску перапоўненыя, у некаторых нават ёсьць чэргі, але дзе-нідзе яшчэ ёсьць месцы. Гэтая традыцыйная карціна сярэдзіны студзеня - пасьля шматлікіх навагодніх сьвятаў у наркалягічных аддзяленьнях аншляг", - паведаміў Інтэрфаксу галоўны нарколяг Менску Сяргей Малочка.
"Ужо ёсьць чарга на шпіталізацыю ў жаночае наркалягічнае аддзяленьне, якое ў беларускай сталіцы адно", дадаў лекар.
На наркалягічным уліку ў Менску знаходзіцца амаль 50 тысячаў чалавек. Зь іх 9 122 – жанчыны. Болей за 5 тысячаў – падлеткі.
У параўнаньні з 2008 годам колькасьць жанчынаў, якім пастаўлены дыягназ "алькагольная залежнасьць”, павялічылася на 12,9%, мужчын - на 5,3%.
