Лінкі ўнівэрсальнага доступу

Прадпрымальнікі змогуць рэгістравацца праз Інтэрнэт


Суб’екты гаспадараньня Беларусі атрымаюць магчымасьць падаваць заявы аб рэгістрацыі праз Інтэрнэт, - паведаміла журналістам начальнік упраўленьня Адзінага дзяржаўнага рэгістра юрыдычных асобаў і індывідуальных прадпрымальнікаў Галіна Падрэзенак.


"У рэспубліканскай дзяржпраграме “Электронная Беларусь” на 2010 год прадугледжана стварэньне вэб-парталу з магчымасьцю для суб’ектаў гаспадараньня падаваць заяву аб рэгістрацыі ў электронным выглядзе”, - цытуе спэцыялістку БелТА.

Бліжэйшым часам плянуецца прадстаўляць рэквізыты юрыдычных асобаў і індывідуальных прадпрымальнікаў з аднаго рэгістру для агульнага доступу.

Паводле Галіны Падрэзенак, у 2009 годзе ў Беларусі было зарэгістравана 56 тыс. 569 суб’ектаў гаспадараньня, у тым ліку 19 тысяч 084 юрыдычных асобы, і 37 тысяч 485 індывідуальных прадпрымальнікаў.

"Параўнальна з 2008 годам колькасьць зарэгістраваных суб’ектаў гаспадараньня не павялічылася. Але калі ўлічыць, што мінулы год быў крызысным, то паказьнікі можна лічыць досыць пасьпяховымі”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG