Паводле афіцыйнай інфармацыі, сьледзтва доўжылася паўгода. У Крычаўскай пракуратуры паведамляюць, што разгляд справы будзе складаным і працяглым, бо сабраная вялікая доказная база, а таксама шмат сьведкаў.
Судовы працэс праходзіць за зачыненымі дзьвярыма. Будынак суду знаходзіцца пад узмоцненай аховай.
Сьведкамі абвінавачваньня выступаюць у асноўным прадпрымальнікі, якія пацярпелі ад дзейнасьці падсудных. Пра іх колькасьць не паведамляецца. Як удалося высьветліць, выкрылі групоўку пасьля заявы ў міліцыю аднаго з пацярпелых фэрмэраў. У яго вымагалі некалькі дзясяткаў тысяч даляраў.