Лінкі ўнівэрсальнага доступу

logo-print

Пракуратура Беларусі не камэнтуе рашэньне не выдаваць Літве Ўсхопчыка


Уладзімер Усхопчык

Уладзімер Усхопчык

Па камэнтары пракуратура адсылае да літоўскіх калегаў.

“Адказ на запыт выдаць Уладзімера Ўсхопчыка (…) адпраўлены літоўскаму боку”, заявілі Інтэрфаксу ў пракуратуры. Болей там ніякіх камэнтароў не далі.

“Генпракуратура Літвы атрымала адказ з генпракуратуры Беларусі, у якім сказана, што Літве ня будзе аказана дапамога па справе “13 студзеня”. Паўторны зварот з просьбай выканаць адпаведныя працэсуальныя дзеяньні ў дачыненьні да падазраваных У.Усхопчыка і С.Юонене ў Беларусь быў высланы восеньню 2009 году”, паведамляюць літоўскія мэдыі.

СМІ Літвы цытуюць прадстаўніка пракуратуры сваёй краіны: “Беларуская генпракуратура паўтарыла сваю пазыцыю пра тое, што дзейнасьць падазраваных яна ацэньвае паводле дзейных у той час законаў — законаў СССР — як імкненьне абараніць канстытуцыйны лад той дзяржавы і яе тэрытарыяльнай цэласнасьці”.

Генэрал Уладзімер Усхопчык камандаваў віленскім гарнізонам у час падзеяў 13 студзеня 1991 году.

Пры спробе савецкіх вайскоўцаў і спэцчастак захапіць віленскую тэлевежу загінула 14 мірных жыхароў і болей за тысячу пацярпелі.

Савецкія войскі захапілі вежу, а таксама будынак Літоўскага радыё і тэлебачаньня. Аднак яны не адважыліся напасьці на будынак парлямэнту, які баранілі тысячы людзей.

XS
SM
MD
LG