Судзьдзя наваградзкага суду Валер Яцынкавіч пакараў Юрася Казака штрафам на суму, большую, чым тая, якую прасіў бок абвінавачаньня. Супрацоўнік пракуратуры прасіў не караць хлопца зьняволеньнем, а прысудзіць яму штраф у 225 базавых велічыняў (каля 8 мільёнаў рублёў).
Пракуратура кваліфікавала ўчынак Юрася Казака як злоснае хуліганства. 7 лістапада хлопец разам са сваімі сябрамі абліў помнік Леніну зялёнай фарбай.
На судзе выступіла дырэктарка наваградзкага краязнаўчага музэю і паведаміла, што помнік не зьяўляецца гісторыка-культурнай каштоўнасьцю, а сама плошча хутка будзе называцца ў гонар Адама Міцкевіча. Напярэдадні сьвяткаваньня 200-годзьдзя Міцкевіча помнік Леніну з плошчы прыбралі, а потым да дзяржаўнага сьвята 7 лістапада на пастамэнт паставілі тое, што ад яго засталося — галаву і верхнюю частку бюсту.
У судзе выступаў таксама гісторык Юры Бачышча. Ён зачытаў экспэртнае заключэньне навукоўцаў-гісторыкаў пра ролю «правадыра народаў» у гісторыі Беларусі.
Паводле даведкі райвыканкаму, помнік каштуе 447 000 рублёў (154 даляры).
Юрась Казак, у якога нядаўна нарадзілася дачка, лічыць прысуд — штраф амаль у 9 мільёнаў рублёў — зьдзекам зь сябе і сваёй сям’і. Ён палічыў, што за гэтыя грошы можна купіць 20 такіх помнікаў.
«Гэта занадта вялікія грошы, якія мне прысудзілі. У маёй сям’і на сёньняшні дзень такіх грошай няма. У мяне нарадзілася дачка, і для маладой сям’і гэта вельмі цяжка.
Яны ж парушаюць Кодэкс аб шлюбе і сям’і. Такая вось падтрымка.
Яны гэтую справу адразу хацелі зрабіць палітычнай. Хацелі яе правесьці ціха, але калі ўбачылі, колькі напісана ў інтэрнэце, то зразумелі, што памыліліся».
Сустаршыня аргкамітэту дзеля стварэньня БХД Аляксей Шэін быў на судзе і адтуль пракамэнтаваў прысуд:
«Помнік Леніну ёсьць зьдзекам з усіх людзей, з усіх беларусаў, якія загінулі ад рук камуністычнай сыстэмы і таталітарнай улады.
Лепшы помнік ахвярам — гэта адсутнасьць помнікаў іх катам. Мы ўсяляк падтрымліваем перакананьні Юрася Казака. Лічым прысуд зьдзекам з усіх ахвяраў і зьдзекам з маладой сям’і. Выплаціць такія грошы за такі кароткі тэрмін, прызначаны судом, — гэта нерэальна».
Юрась Казак паведаміў, што будзе абскарджваць прысуд. Ён не разьлічвае, што яго прызнаюць невінаватым, але спадзяецца, што зьменшаць суму штрафу.
Пракуратура кваліфікавала ўчынак Юрася Казака як злоснае хуліганства. 7 лістапада хлопец разам са сваімі сябрамі абліў помнік Леніну зялёнай фарбай.
На судзе выступіла дырэктарка наваградзкага краязнаўчага музэю і паведаміла, што помнік не зьяўляецца гісторыка-культурнай каштоўнасьцю, а сама плошча хутка будзе называцца ў гонар Адама Міцкевіча. Напярэдадні сьвяткаваньня 200-годзьдзя Міцкевіча помнік Леніну з плошчы прыбралі, а потым да дзяржаўнага сьвята 7 лістапада на пастамэнт паставілі тое, што ад яго засталося — галаву і верхнюю частку бюсту.
У судзе выступаў таксама гісторык Юры Бачышча. Ён зачытаў экспэртнае заключэньне навукоўцаў-гісторыкаў пра ролю «правадыра народаў» у гісторыі Беларусі.
Паводле даведкі райвыканкаму, помнік каштуе 447 000 рублёў (154 даляры).
Юрась Казак, у якога нядаўна нарадзілася дачка, лічыць прысуд — штраф амаль у 9 мільёнаў рублёў — зьдзекам зь сябе і сваёй сям’і. Ён палічыў, што за гэтыя грошы можна купіць 20 такіх помнікаў.
«Гэта занадта вялікія грошы, якія мне прысудзілі. У маёй сям’і на сёньняшні дзень такіх грошай няма. У мяне нарадзілася дачка, і для маладой сям’і гэта вельмі цяжка.
Яны ж парушаюць Кодэкс аб шлюбе і сям’і. Такая вось падтрымка.
Яны гэтую справу адразу хацелі зрабіць палітычнай. Хацелі яе правесьці ціха, але калі ўбачылі, колькі напісана ў інтэрнэце, то зразумелі, што памыліліся».
Сустаршыня аргкамітэту дзеля стварэньня БХД Аляксей Шэін быў на судзе і адтуль пракамэнтаваў прысуд:
«Помнік Леніну ёсьць зьдзекам з усіх людзей, з усіх беларусаў, якія загінулі ад рук камуністычнай сыстэмы і таталітарнай улады.
Лепшы помнік ахвярам — гэта адсутнасьць помнікаў іх катам. Мы ўсяляк падтрымліваем перакананьні Юрася Казака. Лічым прысуд зьдзекам з усіх ахвяраў і зьдзекам з маладой сям’і. Выплаціць такія грошы за такі кароткі тэрмін, прызначаны судом, — гэта нерэальна».
Юрась Казак паведаміў, што будзе абскарджваць прысуд. Ён не разьлічвае, што яго прызнаюць невінаватым, але спадзяецца, што зьменшаць суму штрафу.
