Лінкі ўнівэрсальнага доступу

120 мільёнаў даляраў на прэзыдэнцкія выбары ва Ўкраіне


Цэнтральная выбарчая камісія на сваім паседжаньні зацьвердзіла суму на фінансаваньне выбарчай кампаніі ў 969,6 мільёнаў грыўняў.

На выдаткі самога Цэнтрвыбаркаму зацьверджана 22 мільёны 646 тысяч грыўняў, акруговых камісій — 462 мільёны 268 тысяч, на правядзеньне паўторнага галасаваньня — 458 мільёнаў 800 тысяч грыўняў, перадае «Інтэрфакс».

Сродкі на правядзеньне выбараў павінны выдаць міністэрства фінансаў і казначэйства. Закон жа аб дзяржаўным бюджэце на 2010 год пакуль не зацьверджаны.

На паседжаньні ЦВК ў сьнежні размова ішла пра суму, блізкую да 941 мільёна 285 тысяч грыўняў.

Аналітыкі лічаць, што ў другі тур выйдуць прэм’ер-міністар Юлія Цімашэнка і лідэр апазыцыі Віктар Януковіч.

Апроч іх на пасаду прэзыдэнта прэтэндуюць прэзыдэнт Віктар Юшчанка, Анатоль Грыцэнка, Алег Цягнібок ды іншыя кандыдаты.

Выбары прызначаныя на 17 студзеня.

XS
SM
MD
LG