“Калі будзе эканоміка разьвівацца нармальна, людзі падтрымаюць дзейную уладу, прэзыдэнта і канструктыўных дэпутатаў. Абяцаю, што з майго боку ціску ня будзе. Асабліва на прэзыдэнцкіх выбарах. Настаў той пэрыяд, калі з майго боку ніякай барацьбы, ніякага адміністратыўнага ціску не павінна быць. Людзі самі маюць вызначыцца”.
Сустаршыня Палітрады АДС Анатоль Лябедзька ў экспрэс-камэнтары для "Свабоды" адзначае:
"Лягічна было б пачуць гэтыя словы Лукашэнкі не сёньня, 30-га сьнежня, а 1-га красавіка. Тады яны былі б да часу. Ня першы раз чуюць грамадзяне Беларусі, што ў нас усё будзе цывілізавана, культурна, ніхто ня будзе нікога давіць, ніхто ня будзе ні ва ў што ўмешвацца, А вынік усяго гэтага такі – за 15 гадоў Аляксандар Лукашэнка ня здолеў правесьці ні воднай выбарчай камапаніі, якая была б прызнаная дэмакратычнай, адпавядаючай стандартам АБСЭ".
