Афіцыйныя крыніцы, са спасылкай на новага старшыню гарадзкой вэртыкалі Станіслава Барадаўку, дакараюць кіраўнікоў навучальных устаноў, што тыя ня выканалі гадавога 19-працэнтнага плянавага паказьніка эканоміі. Школы, дзіцячыя садкі здолелі ашчадзіць толькі дванаццаць працэнтаў.
Паводле кіраўніка гарвыканкаму, у навучальных установах не навучыліся эканоміць. Барадаўка даручыў правесьці экспрэс-аўдыт энэргетычных сыстэм і патлумачыць настаўнікам і выхавацелькам, на якія мэты трэба траціць грошы ў першую чаргу.
Нагадаем, 18 сьнежня Станіслаў Барадаўка пасьля шматлікіх скаргаў бацькоў вымушаны быў прызнаць, што тэмпэратура ў школах не адпавядае санітарным нормам. Пасьля выходных і канікул яна складала 12 градусаў. Як высьветлілася, эканоміць паліўна-энэргетычныя рэсурсы ў школах загадваюць чыноўнікі.
За няпоўныя тры тыдні працы на пасадзе кіраўніка гарадзкой вэртыкалі Станіслаў Барадаўка, акрамя дбаньня пра паліўна-энэргетычныя рэсурсы, пасьпеў скрытыкаваць мэтады барацьбы ў Магілёве з карупцыяй, указаць падначаленым на заняпалы стан інтэрнатаў.
Паводле кіраўніка гарвыканкаму, у навучальных установах не навучыліся эканоміць. Барадаўка даручыў правесьці экспрэс-аўдыт энэргетычных сыстэм і патлумачыць настаўнікам і выхавацелькам, на якія мэты трэба траціць грошы ў першую чаргу.
Нагадаем, 18 сьнежня Станіслаў Барадаўка пасьля шматлікіх скаргаў бацькоў вымушаны быў прызнаць, што тэмпэратура ў школах не адпавядае санітарным нормам. Пасьля выходных і канікул яна складала 12 градусаў. Як высьветлілася, эканоміць паліўна-энэргетычныя рэсурсы ў школах загадваюць чыноўнікі.
За няпоўныя тры тыдні працы на пасадзе кіраўніка гарадзкой вэртыкалі Станіслаў Барадаўка, акрамя дбаньня пра паліўна-энэргетычныя рэсурсы, пасьпеў скрытыкаваць мэтады барацьбы ў Магілёве з карупцыяй, указаць падначаленым на заняпалы стан інтэрнатаў.