Лінкі ўнівэрсальнага доступу

logo-print

Бліц-агляд падзеяў і тэмаў у Беларусі, сьвеце, гісторыі.


Да канца году застаецца 10 дзён...

НА ДВАРЫ...


Апранайцеся цёпла. Будзе ад 8 да 16 градусаў марозу.

НЕ ПРАХОДЗЬЦЕ МІМА:


Дэлегацыя Парлямэнцкай Асамблеі АБСЭ наведае Менск. Адбудуцца сустрэчы з прадстаўнікамі МЗС Беларусі, палітычных партый і няўрадавых арганізацый і дэпутатамі Нацыянальнага сходу.

Берасьцейскае моладзевае аб’яднаньне “Дзедзіч” ладзіць студэнцкую вечарыну ў беларускім стылі «Дзедзіч-­PARTY».

ЗЬВЯРНІЦУ ЎВАГУ:


Беларускія міжнародныя перавозчыкі ад 21 сьнежня павінны будуць кіравацца новымі правіламі рэжыму працы і адпачынку кіроўцаў, якія вызначаныя адпаведным Эўрапейскім пагадненьнем.

ТАМ, ДЗЕ НАС НЯМА:


У армянскім горадзе Цахкадзор пройдзе канфэрэнцыя “Роўнасьць правоў і магчымасьцей мужчынаў і жанчынаў” у рамках праграмы ААН “Супраць гендэрнага гвалту на Паўднёвым Каўказе”.

ТАКСАМА Ў ГЭТЫ ДЗЕНЬ:


У 1991 годзе была падпісаная Алма-Ацінская дэклярацыя, якая абвясьціла стварэньне Садружнасьці Незалежных Дзяржаваў.

У 1913 годзе выйшаў у сьвет першы і адзіны зборнік паэзіі Максіма Багдановіча “Вянок”.

У 2007 годзе ў Шэнгенскае пагадненьне ўвайшлі яшчэ 9 краінаў Эўразьвязу – Літва, Латвія, Эстонія, Польшча, Чэхія, Славаччына, Славенія, Вугоршчына і Мальта.

У гэты дзень нарадзіліся францускі драматург Жан-Батыст Расін, шатляндзкі батанік Робэрт Броўн, імем якога названы броўнаўскі рух, савецкі тыран Іосіф Сталін, нямецкі пісьменьнік Генрых Бёль, амэрыканская акторка Джэйн Фонда, беларускі кампазытар Мікалай Аладаў і грузінскі прэзыдэнт Міхаіл Саакашвілі.

У гэты дзень ў 1981 годзе памёр беларускі сьпявак Міхась Забэйда-Суміцкі, а ў 2006 годзе -- першы прэзыдэнт Туркмэністану Сапармурат Ніязаў.

ЁСЬЦЬ НАГОДА:


21 сьнежня – самы кароткі і самы цёмны дзень у годзе. У Нідэрляндах яго адзначаюць як “Дзень Сьвятога Томаса”.


МІНУС 365:


Год таму на сайце Свабоды: Аляксандар Казулін і Аляксей Кароль выйшлі з партыі


ЦЫТАТА НА ПАМЯЦЬ:


"Жыць стала лепей, жыць стала весялей» — Іосіф Сталін.

Паказаць камэнтары

XS
SM
MD
LG