Лінкі ўнівэрсальнага доступу

Гарадзенскія актывісты не даехалі да Менску


Сямёра дэмакратычных актывістаў з Горадні сёньня хацелі далучыцца да акцыі салідарнасьці на Кастрычніцкай плошчы ў Менску. Аднак да сталіцы яны не даехалі. Чаму?

Сябра Аб’яднанай грамадзянскай партыі Аляксей Дарашкевіч тлумачыць:

«Я, Кірыла Семянчук і яшчэ пяць чалавек зьбіраліся сёньня падтрымаць нашых таварышаў. Дамовіліся разам ехаць у Менск. Папярэдне, зразумела, стэлефаноўваліся, вызначалі час і месца ад’езду.

І раптам перад самым выездам тэлефануе чалавек, які меўся ехаць за рулём, і кажа: ня можам ехаць з тэхнічных прычынаў. Высьветлілася, што парэзаныя ўсе чатыры колы.

Зразумела, мы адразу задаліся пытаньнем: ці выпадкова гэта? Думаем, што не. Раней нам, праўда, колаў ня рэзалі. Але за час палітычнай дзейнасьці за намі не аднойчы сачылі, здымалі на камэру...»

Паказаць камэнтары

XS
SM
MD
LG