Лінкі ўнівэрсальнага доступу

На Гомельшчыне нелегальнае прадпрымальніцтва павялічылася ўдвая


Гомельскі Цэнтральны рынак, архіўнае фота.

Гомельскі Цэнтральны рынак, архіўнае фота.

Сёлета на Гомельшчыне за незаконную прадпрымальніцкую дзейнасьць аштрафавана звыш 600 чалавек. Агулам сума штрафаў перавысіла 200 мільёнаў рублёў. А ўсяго з пачатку году, як падае абласная інспэкцыя па падатках і зборах, зафіксавана амаль 2600 выпадкаў незаконнага прадпрымальніцтва, якім займаліся жыхары рэгіёну. Гэта амаль удвая перавышае леташні паказьнік.

«Тут ня трэба зьдзіўляцца, — лічыць індывідуальны прадпрымальнік Уладзімер, які працуе на Цэнтральным рынку. — Ініцыятыўных людзей улады мэтадычна выціскалі зь легальнага бізнэсу — рознымі стаўкамі, падаткамі, праверкамі. Таму многія сышлі ў цень альбо проста не рэгіструюцца. Апрача таго, дрэннае матэрыяльнае становішча вымагае і маладых, і пэнсіянэраў займацца рознымі дадатковымі заняткамі».

Асабліва шмат людзей нелегальна займаюцца гандлем, будаўнічымі й транспартнымі паслугамі.

Гомельскія ўлады рэкамэндуюць цяпер нават чыноўнікам ЗАГСаў больш пільна сачыць за асобамі, якія займаюцца фота- й відэаздымкамі, а газэтам, перш чым друкаваць рэкляму, — патрабаваць рэгістрацыйнае пасьведчаньне.

XS
SM
MD
LG