Лінкі ўнівэрсальнага доступу

Ужо сёньня, 9 сьнежня


Бліц-агляд падзеяў і тэмаў у Беларусі, сьвеце, гісторыі.

ДОЖДЖ...


...і яшчэ трохі сьнегу. Тэмпэратура: +0 — +4.


НЕ ПРАХОДЗЬЦЕ МІМА:


У Менску Палата прадстаўнікоў можа разгледзець у другім чытаньні дапаўненьні і зьмены ў Выбарчы кодэкс.

У Нацыянальнай бібліятэцы Беларусі праходзіць прэзэнтацыя электроннага выданьня "Кніжныя збор роду Храптовічаў". Пачатак: 17.00.

ТАМ, ДЗЕ НАС НЯМА:


У Боне адбываецца двухдзённы форум Эўрапейскай народнай партыі. У ім удзельнічаць і прадстаўнікі Аб'яднанай грамадзянскай партыі і Партыі БНФ. Абедзьве беларускія партыі маюць там статус назіральнікаў.

У Стакгольме праходзіць прэзэнтацыя шырокамаштабнага апытаньня адносна дыскрымінацыі меншасьцяў у Эўразьвязе.


ТАКСАМА Ў ГЭТЫ ДЗЕНЬ:


У 1891 у Менску нарадзіўся Максім Багдановіч, паэт, клясык беларускай літаратуры. Большасьць са сваіх 26 гадоў жыцьця Багдановіч пражыў за межамі Беларусі.

У 1990 палякі выбралі Леха Валэнсу, работніка з вэрфі ў Гданьску, сваім прэзыдэнтам.


ЁСЬЦЬ НАГОДА:


Міжнародны дзень барацьбы з карупцыяй.


МІНУС 365:


Год таму на сайце Свабоды: "Прысуд Баразенку — год абмежаваньня волі"


ЦЫТАТА НА ПАМЯЦЬ:


Песьняру

Ведай, брат малады, што ў грудзях у людзей
Сэрцы цьвёрдые бытцым с каменьня.
Разабьецца аб іх слабы верш заўсягды
Не збудзіўшы сьвятога сумленьня.
Трэба с сталі каваць, гартаваць гібкі верш,
Абрабіць яго трэба с цярпеньнем.
Як ударыш ты ім, — ён як звон зазьвініць,
Брызнуць іскры с халодных каменьнеў.


Максім Багдановіч (верш пададзены правапісам, у якім ён быў арыгінальна надрукаваны ў зборніку "Вянок", датаваным 1913 годам)
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG